საბა ბუაძე - შეხვედრაზე განხილული იყო სხვადასხვა ვერსია თუ როგორ უნდა მოიქცეს ოპოზიცია - ჩვენ არანაირი ბლოკის შექმნის მსჯელობაში არ ვმონაწილეობთ

კონკრეტულ ინიციატივებთან დაკავშირებით, ჯერჯერობით, შეჯერებული პოზიცია არ არსებობს, აქ განხილული იყო სხვადასხვა ვერსია თუ როგორ უნდა მოიქცეს ოპოზიცია უახლოეს პერიოდში, გრძელვადიან პერიოდში, - ამის შესახებ ჟურნალისტებს ოპოზიციური პარტიების შეხვედრიდან გამოსვლის შემდეგ "ლელოს" წევრმა საბა ბუაძემ განუცხადა.

მისივე თქმით, ქვეყანა იმყოფება ღრმა პოლიტიკურ კრიზისში და ამ კრიზისიდან გამოსვლას მრავალპარტიული პარლამენტი სჭირდება.

"ეს კრიზისი აისახება ჩვენი ცხოვრების ყველა ასპექტზე. პირველ რიგში, ეკონომიკაზე, რომელიც "ქართული ოცნებისა" და სხვა დამატებითი ფაქტორების გამო არის უმძიმეს მდგომარეობაში. ამ მასშტაბის კრიზისის აწევა არცერთ პოლიტიკურ ძალას მარტო არ შეუძლია, ამას სჭირდება მრავალპარტიული პარლამენტი. ქუჩის პროტესტი არ გაინიხილება პანდემიის გამო. ოპოზიცია ყველა ლეგიტიმურ ფორმას გამოიყენებს იმისთვის, რომ ამ ქვეყანის ხელისუფლებას დავანახოთ ახალი არჩევნების უალტერნატივობა. ჯერ კიდევ არსებობს მოლაპარაკებების მცირე ფანჯარა, რომელიც აუცილებლად უნდა იყოს ათვისებული.

ჩვენ მოცემულ მომენტში, სრულიად მზადყოფნაში ვართ და მოწადინებულები, რომ ეს შეთანხმება შედგეს. მიუხედავად იმისა, რომ მცირე დრო რჩება, ჯერ კიდევ გვაქვს რესურსი იმის, რომ ეს პოლიტიკურ კრიზისი დავძლიოთ ერთობლივად. როცა ეს შესაძლებლობა ჩაიკეტება, ბუნებრივია, სხვა შესაძლებლობებსა და ალტერნატივებზე მსჯელობა ამის შემდეგ უნდა დავიწყოთ.

რაც შეეხება ბლოკის შექმნას, ჩვენ არანაირი ბლოკის შექმნის მსჯელობაში არ ვმონაწილეობთ ჯერ პოლიტიკურ კრიზისს სჭირდება ჩაქრობა", - განაცხადა ბუაძემ.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე