ბულგარეთი წელს უკვე მესამედ რუს დიპლომატს ქვეყნიდან აძევებს

ბულგარეთის საგარეო საქმეთა სამინისტრომ სოფიაში რუსეთის საელჩოს დიპლომატი პერსონა ნონ-გრატად გამოაცხადა და 72 საათი მისცა იმისთვის, რომ ქვეყანა დატოვოს, რაც გამოწვეულია მის დიპლომატიურ სტატუსთან შეუთავსებლობაში. ამის შესახებ ბულგარეთის სახელმწიფო საინფორმაციო სააგენტო იუწყება.

ბულგარეთის საგარეო უწყებაში განაცხადეს, რომ შესაბამისი ნოტა უკვე გადაეცა რუსეთის დიპლომატიური მისიის ხელმძღვანელის მოადგილეს, რომელიც უწყებაში დაიბარეს.

საგარეო საქმეთა სამინისტრომ შესაბამისი განცხადება გაკეთდა მას შემდეგ, რაც ხუთშაბათს ქვეყნის მთავარმა პროკურორმა შინაგან საქმეთა მინისტრს შეგროვებული მტკიცებულებების შესახებ აცნობა, რუსი დიპლომატის ჯაშუშურ საქმიანობასთან დაკავშირებით. გავრცელებული ინფორმაციით, საუბარია ბულგარეთში რუსეთის სამხედრო ატაშეზე.

ბულგარეთის საგარეო საქმეთა მინისტრმა ეკატერინა ზახარიევამ მთავარი პროკურორისგან მიიღო წერილი, რომ წინასასამართლო საქმის წარმოების განმავლობაში დადგინდა, თუ როგორ კრეფდა სახელმწიფო საიდუმლოს სტატუსის მქონე ინფორმაციას აღნიშნული დიპლომატი, რომლის ვინაობა ოფიციალურად არ დასახელებულა.

პროკურატურა აზუსტებს, რომ რუსეთის მოქალაქე ახორციელებდა სადაზვერვო საქმიანობას, რომლის ფარგლებშიც აგროვებდა ინფორმაციას, მათ შორის ამერიკელი სამხედროების რაოდენობასთან დაკავშირებით, რომლებიც ბულგარეთში არიან დისლოცირებული. მას კავშირი ჰქონდა ბულგარეთის მოქალაქესთან, რომელსაც ხელი მიუწვდებოდა ამ საიდუმლო ინფორმაციაზე და მას თანხის გადახდას დაპირდა.

აღსანიშნავია, რომ ბულგარეთში რუსი დიპლომატის გაძევების წელს ეს უკვე მესამე შემთხვევაა. მანამდე რუსი დიპლომატები ქვეყნიდან სექტემბერში და იანვარში გააძევეს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო