ბელარუსში ყოველკვირეული ანტისამთავრობო მარშის დროს პოლიციამ 100-მდე მომიტინგე დააკავა. ამის შესახებ ნათქვამია ქვეყნის შინაგან საქმეთა სამინისტროს წარმომადგენლის განცხადებაში.
ბელარუსის ჟურნალისტთა ასოციაციის ინფორმაციით, დღეს დაკავებულთა შორის ჟურნალისტებიც არიან.
ოპოზიციის ლიდერების განცხადებით, აგვისტოდან, საპროტესტო აქციების დაწყებიდან დღემდე ბელარუსში 30 000-ზე მეტი ადამიანი დააკავეს.
საპრეზიდენტო არჩევნებში ალექსანდრე ლუკაშენკოს გამარჯვებულად გამოცხადების შემდეგ, ბელარუსში მასობრივი საპროტესტო აქციები არ წყდება.