მუხიანის აგარაკებზე, 26 მაისის ქუჩაზე ასფალტის საფარი იგება

თბილისში, მუხიანის აგარაკებზე, კერძოდ, 26 მაისის ქუჩაზე წყალსადინების ქსელი მოწყო, ამ ეტაპზე გამგეობა საგზაო სამუშაოებს ახორციელებს, რომლის ფარგლებშიც, სანიაღვრე ქსელი მოეწყობა. ამის შესახებ ინფორმაციას თბილისის მერია ავრცელებს

მათივე ცნობით, საგზაო სამუშაოები დასრულების ეტაპზეა. დაახლოებით, 6 340 კვადრატულ მეტრ ფართობზე გზის საფარი იგება და სამუშაოებისთვის 761 900 ლარამდე დაიხარჯება.

„გურიის აღმართსა და გამარჯვების ქუჩის მონაკვეთზე წყალარინებისა და სანიაღვრე ქსელის მოწყობა განხორციელდა, სადაც ბეტონის გზა მოეწყობა. ასევე, განთიადის I შესახვევში მიმდინარეობს წყალარინების ქსელის მოწყობის სამუშაოები.

ამასთან, აღნიშნულ დასახლებაში, ვარდისუბნის ქუჩაზე, დედაქალაქის მერიის ინფრასტრუქტურის განვითარების საქალაქო სამსახურის მიერ, წყალარინების ქსელი მოეწყო, გლდანის რაიონის გამგეობის მიერ კი, გზის საფარი მოწესრიგდა.

სამუშაოების მიმდინარეობას გლდანის რაიონის გამგებელი ბექა მიქაუტაძე პარლამენტის მაჟორიტარ დეპუტატთან, ლევან კობიაშვილთან ერთად ადგილზე გაეცნო", - ნათქვამია ინფორმაციაში.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული