კორონავირუსის ახალი სახეობის აღმოჩენის გამო გაერთიანებული სამეფოს მიმართულებით ავიარეისები ჰონგ-კონგმა და ინდოეთმაც შეაჩერეს.
იქამდე კი სამეფოს მიმართულებით ფრენები რუსეთმა და კანადამ შეაჩერეს.
ბოლო მონაცემებით, კორონავირუსის ახალი შტამი დიდი ბრიტანეთის გარდა ბელგიაში, ავსტრალიასა და იტალიაში დაფიქსირდა. თითოეული შემთხვევა გაერთიანებული სამეფოდან ჩასულ მგზავრებთანაა დაკავშირებული.
გაერთიანებულ სამეფოში კორონავირუსის ახალი სახეობა გასულ კვირას აღმოაჩინეს. კორონავირუსის სწრაფად გავრცელებადი შტამის გამო ევროპის ქვეყნებმა გაერთიანებულ სამეფოსთან საზღვრების ჩაკეტვა დაიწყეს.