დიდ ბრიტანეთში აღმოჩენილი კორონავირუსის ახალი შტამი, დიდწილად, ბავშვებისთვის უფრო გადამდებია, ვიდრე მანამდე არსებული. ამის შესახებ მთავრობასთან არსებული საკონსულტაციო საბჭოს წევრი, ლონდონის Imperial College -ის პროფესორი ნილ ფერგიუსონი აცხადებს.

„ჩვენ გვჭირდება მეტი ინფორმაციის შეგროვება იმის შესახებ, როგორ მოქმედებს ახალი ვირუსი. არსებობს საინტერესო ეპიდემიოლოგიური ტენდენციები იმისა, თუ როგორ მოქმედებს ეს ვირუსი, რომ მას გააჩნია დიდი მიდრეკილება ბავშვების დაინფიცირებისკენ“, - განაცხადა ფერგიუსონმა გამართულ ბრიფინგზე.

მისი თქმით, მეცნიერები განაგრძობენ ახალი მუტაციის შესწავლას, მაგრამ უკვე ფლობენ დადასტურებულ ინფორმაციას, რომ ვირუსის ეს ვარიანტი, მინიმუმ 50 %-ით უფრო გადამდებია, ვიდრე ადრე ნაცნობი ვირუსი.