ინდოეთის შტატ გუჯარათში მომხდარ აფეთქებას ერთი ადამიანის სიცოცხლე ემსხვერპლა, ორი ადამიანი კი დაშავდა, - ამის შესახებ ინფორმაციას Reuters-ი ადგილობრივ ხელისუფლებაზე დაყრდნობით ავრცელებს.

მათივე ინფორმაციით, მასიური აფეთქების შედეგად გაზსადენთან ახლომდებარე დასახლებულ ტერიტორიაზე ორი სახლი დაინგრა.

ინციდენტის მიზეზი, სავარაუდოდ, გაზის გაჟონვა გახდა.

ნავთობისა და ბუნებრივი გაზის კორპორაციაში (ONGC), რომელიც სახელმწიფოს მმართველობის ქვეშაა, აცხადებენ, რომ გაზსადენი, რომელზედაც აფეთქება მოხდა, მათ არ ეკუთვნით.