განათლების, მეცნიერების, კულტურისა და სპორტის მინისტრობის კანდიდატის, მიხეილ ჩხენკელის განცხადებით, საქართველოში კულტურის სამინისტრო ცალკე უწყება უნდა იყოს.

ამის შესახებ მიხეილ ჩხენკელმა კომიტეტების გაერთიანებულ სხდომაზე პარლამენტში განაცხადა.

როგორც ჩხენკელმა აღნიშნა, კულტურის სამინისტროს ცალკე გამოყოფაზე გუნდში მსჯელობა უკვე დაწყებულია.

„გუნდში მსჯელობა ამ თემასთან დაკავშირებით უკვე მიმდინარეობს. მე ჩემს პირად პოზიციას გეტყვით, რომ ჩვენი ქვეყნისთვის კულტურის განსაკუთრებული მნიშვნელობიდან გამომდინარე, კულტურის სამინისტრო უნდა არსებობდეს ცალკე, რომ ხაზი გაესვას კიდევ ერთხელ კულტურის უაღრესად დიდ მნიშვნელობას ჩვენი ქვეყნისთვის“, - განაცხადა მინისტრობის კანდიდატმა.