დავით მათიკაშვილი - კრიმინოგენური სიტუაციის ზრდას ადგილი არ აქვს და ეს მხოლოდ მანიპულირებაა ჩვენი ოპონენტების მხრიდან

საპროცედურო საკითხთა და წესების, ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროების და იურიდიულ საკითხთა კომიტეტების ერთობლივ სხდომაზე, სადაც შინაგან საქმეთა მინისტრობის კანდიდატს, ვახტანგ გომელაურს მოუსმინეს, დეპუტატმა დავით მათიკაშვილმა კრიმინოგენური სიტუაციის სტატისტიკასთან დაკავშირებით ისაუბრა და აღნიშნა, რომ ეს თემა ყოველთვის იყო მანიპულირების საგანი ოპონენტების მხრიდან.

„ჩვენ კარგად გვახსოვს ე.წ. ნულოვანი ტოლერანტობის პოლიტიკა და მისი შედეგები წინა ხელისუფლების პირობებში. ჩვენ გვახსოვს სტატისტიკური მონაცემებით მანიპულირების სხვადასხვა გზები, თუ როგორ ქვეყნდებოდა ან არ ქვეყნდებოდა კონკრეტული მონაცემები.

ჩვენ ზუსტად ვიცით 2012 წლიდან დღემდე, რა გზა გაიარა ამ მხრივ რეალურმა მოცემულობამ დღევანდელი სიტუაციის ჩათვლით. სამთავრობო პროგრამაში, თქვენ აღნიშნავთ, რომ 10%-ით არის წინა წლებთან შედარებით კლება ამ კუთხით. კრიმინოგენური სიტუაციის ზრდას ადგილი არ აქვს და ეს მხოლოდ მანიპულირებაა ჩვენი ოპონენტების მხრიდან", - განაცხადა დავით მათიკაშვილმა.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე