დაავადებათა კონტროლის ეროვნული ცენტრის დირექტორის მოადგილე პაატა იმნაძე იმედოვნებს, რომ მოსახლეობა წესებს დაიცავს და ახალი წლის დღესასწაულს ისეთივე გართულებები არ მოჰყვება, როგორც ქვეყანაში აქამდე გამართულ ხალხმრავლობებს. ამის შესახებ იმნაძემ ტელეკომპანია “პალიტრანიუსის” გადაცემა “360 გრადუსში” განაცხადა.

“დიდი იმედი მაქვს ჩვენი მოსახლეობის კეთილგონიერების. სხვის მაგალითებზე, სამწუხაროდ, ჭკუა ვერ ვისწავლეთ, მაგრამ საკუთარ გამოცდილებაზე დაყრდნობით, რაც ნოემბრის მეორე ნახევარში - დეკემბრის პირველ რიცხვებში ქვეყანამ და ხალხმა გამოიარა, რა მსხვერპლიც გვქონდა, ამის შემდეგ თუ ჩვენმა ხალხმა არ დაიცვა ის წესები, რასაც ვემუდარებით... მესმის, ყველას სურს საშინელი წელი რამენაირად დამთავრდეს, ახალი წელი უკვე იმედების წელია და შეიძლება მსოფლიოში ბოლო წელი იყოს პანდემიის. თუმცა, დიდი იმედი მაქვს ჩვენი მოსახლეობა დაიცავს წესებს და ამას არ მოჰყვება ისეთივე გართულებები, რაც მოყვა წინა ხალხმრავლობებს, რაც ქვეყანაში იყო”,- განაცხადა გამყრელიძემ.

შეგახსენებთ, რომ კორონავირუსთან დაკავშირებით შექმნილი უწყებათაშორისი საკოორდინაციო საბჭოს გადაწყვეტილებით, 21:00 საათიდან 5:00 საათამდე დაწესებული გადაადგილების შეზღუდვა ახალი წლის ღამეს არ იმოქმედებს.