ლადო პაპავა - ოპტიმალურობის მთავარი კრიტერიუმია, რომ ადამიანების სიკვდილიანობა და ინფიცირებულთა რაოდენობა არ გაიზარდოს, მთავარი ეკონომიკა ვერ იქნება

პროფესორ ლადო პაპავას შეფასებით, გადაწყვეტილება, რომელიც მთავრობამ რეგულაციების შემსუბუქებასთან დაკავშირებით მიიღო, არსებული სიტუაციიდან გამომდინარე ადეკვატურია.

როგორც მან „ინტერპრესნიუსს“ რეგულაციების ნაწილობრივ შემსუბუქების საკითხზე კომენტირებისას განუცხადა, ამ შემთხვევაში გადაწყვეტილების ოპტიმალურობის შეფასების ერთადერთი კრიტერიუმი ადამიანების ჯანმრთელობა და სიცოცხლეა.

„ოპტიმალურობის მთავარი კრიტერიუმია, რომ ადამიანების სიკვდილიანობა და ინფიცირებულთა რაოდენობა არ გაიზარდოს, მთავარი ეკონომიკა ვერ იქნება. მეორე მხრივ, დახურვის კიდევ გაგრძელება, ალბათ, გარკვეულ პრობლემებს შექმნიდა იქიდან გამომდინარე, რომ საახალწლო განწყობაა ქვეყანაში და ადამიანებისთვის ამ მძიმე წლის შემდეგ, როდესაც სტრესული მდგომარეობაა პანდემიის გამო, საახალწლო სიხარული შვება იქნება. ამიტომ ვფიქრობ, რომ ეს გადაწყვეტილება სწორი იყო. რაც მთავარია, არ გაიხსნა საზოგადოებრივი ტრანსპორტი, რადგან საზოგადოებრივ ტრანსპორტში ინფიცირების ყველაზე მაღალი შესაძლებლობაა, ამიტომ ვფიქრობ, ამ ეტაპზე მთავრობამ რა გადაწყვეტილებაც მიიღო, ქვეყანაში არსებული სიტუაციიდან გამომდინარე, ადეკვატურია“, - აღნიშნა ლადო პაპავამ.

რაც შეეხება საქართველოს ეკონომიკური ზრდის პერსპექტივებს, ლადო პაპავას განცხადებით, ეკონომიკური აღმავლობის საკითხი დამოკიდებულია იმაზე, შეძლებს თუ არა მედიცინა კორონავირუსის დამარცხებას.

„კორონავირუსი სამედიცინო პრობლემაა და ეკონომიკა არის მედიცინის მძევალი. სანამ მედიცინა ამ პრობლემებს არ გადაწყვეტს, ეკონომისტებს შეგვიძლია მხოლოდ იმაზე ვილაპარაკოთ, როგორ შევუმსუბუქოთ მოსახლეობას სოციალური მდგომარეობა და დავეხმაროთ ბიზნესს, რომ არ გაკოტრდნენ. ეკონომიკური აღმავლობა კი შესაძლებელი იქნება მას შემდეგ, რაც მედიცინა კორონავირუსს დაამარცხებს“, - აღნიშნა მან.

ცნობისთვის, მთავრობის გადაწყვეტილებით 24 დეკემბრიდან - 2 იანვრამდე შეზღუდვები ნაწილობრივ შემსუბუქდება. კერძოდ, ძალაში რჩება მუნიციპალური ტრანსპორტის და საქალაქთაშორისო გადაადგილების შეზღუდვა. არ იხსნება ბაზრები, სავაჭრო ობიექტები კი მუშაობას რეგულაციების მკაცრი დაცვით განაახლებენ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს