სერბეთის პრემიერი ანა ბრნაბიჩი პირველი პრემიერ-მინისტრი გახდა ევროპაში, რომელმაც Pfizer/BioNtech-ის კორონავირუსის საწინააღმდეგო ვაქცინა გაიკეთა, - ამის შესახებ ინფორმაციას CNN-ი ავრცელებს.
"პატივი მაქვს, ვიყო პირველი პრემიერ-მინისტრი ევროპაში, რომელსაც ვაქცინაცია გაუკეთეს. ვაქცინაცია ამ ბრძოლაში გადადგმული უდიდესი ნაბიჯია", - წერს ანა ბრნაბიჩი „ტვიტერში“.
შეგახსენებთ, ევროპის მედიკამენტების სააგენტომ და ევროკომისიამ Pfizer/BioNtech-ის კოვიდ 19-ის საწინააღმდეგო ვაქცინას ავტორიზაცია რამდენიმე დღის წინ მიანიჭეს.