„ჯორჯიან მანგანეზმა“ ხატვის კონკურსში გამარჯვებულები დააჯილდოვა. საუკეთესო ნამუშევრების ავტორებს წამახალისებელი სიგელები და სახატავი ინვენტარის სასაჩუქრე კომპლექტი გადაეცათ.

„ჯორჯიან მანგანეზის“ ინფორმაციით, კონკურსი თემაზე „მომავალი შენია“ როგორც ჭიათურაში, ასევე, ზესტაფონში გაიმართა და გასულ კვირას დასრულდა.

მათივე ცნობით, ჭიათურისა და ზესტაფონის სამხატვრო სკოლების დირექტორებმა სულ 12 გამარჯვებული გამოავლინეს, კომპანიის რჩეული კი 2 მოზარდის ნაშრომი გახდა.

კონკურსში გამარჯვებული მონაწილეების ნამუშევრები „ჯორჯიან მანგანეზის“ მიერ შექმნილ 2021 წლის კედლის კალენდარზე დაიბეჭდება. როგორც კოპანიაში აცხადებენ, ხატვის კონკურსი ყოველ წელს ტარდება. მიუხედავად იმისა, რომ წელს პანდემიის გამო კომპანია რთული გამოწვევების წინაშე აღმოჩნდა, "ჯორჯიან მანგანეზმა" ტრადიცია არ დაარღვია და კონკურსი, ჯანდაცვის რეკომენდაციების სრული დაცვით, მაინც ჩატარდა.