თბილისის სასულიერო აკადემია და სემინარია სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმიდეს და უნეტარეს ილია II-ს აღსაყდრების 43 წლის იუბილეს ულოცავს.
„თბილისის სასულიერო აკადემიისა და სემინარიის სამეცნიერო საბჭო, პროფესორ-მასწავლებლები და სტუდენტები უდიდესი მოწიწებით, პატივისცემითა და მადლიერებით ვულოცავთ აღსაყდრების 43-ე წლისთავს სრულიად საქართველოს კათოლიკოს-პატრიარქს, ილია II-ს, რომელსაც განუსაზღვრელი ღვაწლი აქვს წმინდა მართლმადიდებელი ეკლესიისა და ქართველი ერის წინაშე და ვუსურვებთ ჯანმრთელობასა და მრავალჟამიერ სიცოცხლეს”, - ნათქვამია მილოცვაში.
ცნობისთვის, 25 დეკემბერი საქართველოს კათოლიკოს-პატრიარქის, უწმინდესისა და უნეტარესის, ილია მეორის აღსაყდრების დღეა. სრულიად საქართველოს კათოლიკოს-პატრიარქის ინტრონიზაცია 1977 წლის 25 დეკემბერს სვეტიცხოვლის საკათედრო ტაძარში მოხდა. მას სახელად ილია მეორე ეწოდა.