ევროპის ქვეყნებმა კორონავირუსის საწინააღმდეგო ვაქცინების პირველი პარტია მიიღეს

ევროპის ქვეყნებმა კორონავირუსის საწინააღმდეგო ვაქცინების პირველი პარტია მიიღეს. ესპანეთმა Pfizer-ის მიერ წარმოებული ვაქცინა მიიღო და მადრიდთან ახლოს სპეციალურ სასაწყობე სივრცეში განათავსა. ასევე Pfizer-ის მიერ წარმოებული პირველი 9 750 დოზა მიიღო იტალიამაც. ვაქცინები რომის ერთ-ერთ საავადმყოფოში განათავსეს. ვაქცინის დოზები იტალიაში ბელგიიდან სპეციალური მაცივარი სატვირთოებით პოლიციის ესკორტის თანხლებით ჩაიტანეს. იტალიაში ვაქცინაცია 27 დეკემბრიდან იწყება.

ვაქცინების პირველი დოზა მიიღო საბერძნეთმაც. პირველ პარტიაში Pfizer-ის მიერ წარმოებული ვაქცინის 9 750 დოზაა. ვაქცინა ათენში, ფარაცევტულ საწყობში შეინახეს. ხელისუფლების ცნობით, საბერძნეთი აპრილამდე 1.2 მილიონი დოზის მიღებას ელოდება. თავდაპირველად ვაქცინაცია 27 დეკემბერს ათენის 5 საავადმყოფოში დაიწყება.

Pfizer-ის ვაქცინის პირველი პარტია შეიტანეს ბელგიის საავადმყოფოებშიც. ბელგიიდან საფრანგეთში ჩაიტანეს ვაქცინის 20,000-მდე დოზა. საფრანგეთიც ვაქცინაციას 27 დეკემბრიდან იწყებს.

პრიორიტეტი ასაკიან და მოწყვლად მოსახლეობას ენიჭება. ევროპის წამლების სააგენტომ Pfizer-ისა და Biontech-ის ვაქცინის გამოყენების ნებართვა 5 დღის წინ გასცა. ევროკავშირის ყველა ქვეყანაში კორონავირუსის საწინააღმდეგო ვაქცინაციის დაწყება 27-29 დეკემბერის პერიოდიდან გადაწყდა.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა