სომხური უკანონო შეიარაღებული დაჯგუფება აზერბაიჯანის არმიის დანაყოფებს დაესხა თავს, დაღუპულია ერთი და დაშავებულია ერთი აზერბაიჯანელი ჯარისკაცი, - ამის შესახებ ინფორმაციას აზერბაიჯანის თავდაცვის სამინისტრო ავრცელებს.
უწყების ცნობით, თავდასხმა ხოჯავენდის რეგიონის სოფელ აღდამის მიმართულებით მოხდა.
„საპასუხო ზომების შედეგად სომხეთის უკანონო შეიარაღებული დაჯგუფების ექვსივე წევრი განადგურებულია. თუკი მსგავსი თავდასხმა კიდევ განმეორდება, აზერბაიჯანის არმია გადამწყვეტ ზომებს მიიღებს“, - აღნიშნულია აზერბაიჯანის თავდაცვის სამინისტროს მიერ გავრცელებულ განცხადებაში.
შეგახსენებთ, მთიან ყარაბაღში ცეცხლი 10 ნოემბრიდან, რუსეთისა და აზერბაიჯანის პრეზიდენტებისა და სომხეთის პრემიერ-მინისტრის მიერ სამმხრივი შეთანხმების გაფორმების შემდეგ შეწყდა.