სომხეთის პარლამენტის შენობის წინ, სადაც პრემიერ-მინისტრ ნიკოლ ფაშინიანის გადადგომის მოთხოვნით საპროტესტო აქცია მიმდინარეობს, მომიტინგეებსა და დეპუტატს შორის შეხლა-შემოხლა მოხდა, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, დაპირისპირება მაშინ დაიწყო, როდესაც აქციის ერთ-ერთი მონაწილე ფრაქცია “ჩემი ნაბიჯის” წევრის სისაკ გაბრიელიანის ავტომობილს მიუახლოვდა და ჰკითხა : „პრემიისთვის მოხვედით?“ მანამდე კი ცნობილი გახდა, რომ სამართალდამცავებმა აქციაზე რამდენიმე დემონსტრანტი დააკავეს.
შეგახსენებთ, სომხეთის პარლამენტის შენობის წინ პრემიერ-მინისტრ ნიკოლ ფაშინიანის გადადგომის მოთხოვნით საპროტესტო აქცია მიმდინარეობს. პარლამენტში დღეს რიგგარეშე სხდომაა დაგეგმილი.