საგარეო საქმეთა მინისტრის, დავით ზალკალიანის განცხადებით, მჭიდრო კომუნიკაცია მიმდინარეობს მსოფლიო ჯანდაცვის ორგანიზაციასთან და მთავარ სტრატეგიულ პარტნიორებთან, იმისთვის რომ საქართველომ კორონავირუსის ვაქცინა დროულად მიიღოს. როგოც მან საგარეო საქმეთა სამინისტროს წლიურ შემაჯამებელ შეხვედრაზე განაცხადა, კორონავირუსის ვაქცინის დროულად მიღებაში ჩართულია დიპლომატიური მისიაც.
"ამჟამად, ჩვენი დიპლომატიური მისიის ერთ-ერთი ყველაზე მნიშვნელოვანი ამოცანაა მუშაობა იმაზე, რომ საქარათველომ რაც შეიძლება დროზე მიიღოს ვაქცინა. მოგეხსენებათ, ეს არის ურთულესი პროცესი, ამიტომ ჩვენ უკვე ვართ შესული ძალიან მჭიდრო კომუნიკაციაში ჩვენს ყველა პარტნიორ ქვეყანასთან. ასევე მსოფლიო ჯანდაცვის ორგანიზაციასთან, მთავარ სტრატეგიულ პარტნიორებთან იმისთვის, რომ ეს ვაქცინა დროულად იყოს მოწოდებული ჩვენი ქვეყნისთვის",- განაცხადა ზალკალიანმა.