ქსელის გეგმური სარეაბილიტაციო სამუშაოების გამო, 30 დეკემბერს, 11:00-დან 18:00 საათამდე ელექტროენერგიის მიწოდება თბილისის მუნიციპალიტეტში აბონენტების ნაწილს შეეზღუდება. აღნიშნულის შესახებ „ინტერპრესნიუსს“ „ენერგო პრო ჯორჯიადან“ აცნობეს. შეზღუდვა შეეხებათ სოფელ დიღომსა და დიღომში ცამეტი ასურელი მამის, ხატაეთის, ჩალიპირების, როსტევანის, ილია შეყლაშვილის, პაატა ჯანიაშვილის და მიმდებარე ქუჩებს, აგრეთვე „ტოიოტას ცენტრის“ მიმდებარე ტერიტორიას.
სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.