მოძრაობა „შემახე ამნისტიის" წარმომადგენლებმა საქართველოს პარლამენტთან აქცია გამართეს. მათი მთავარი მოთხოვნაა, საკანონმდებლო ორგანომ ამნისტიის საყოველთაო აქტი გამოსცეს.

აქციის ერთ-ერთი მონაწილის, ადვოკატ ალექსანდრე კობაიძის განცხადებით, თუ მათი მოთხოვნა არ დაკმაყოფილდება, ფართომაშტაბიან საპროტესტო აქციებს დაიწყებენ.

„ბატონი არჩილ თალაკვაძე პატიმრების დედებს შეხვდა და შეპირდა, რომ ფარტომაშტაბიან ამნისტიის კანონს მიიღებდნენ. დღეს ეს დედები კვლავ აქ დგანან და კვლავ თალაკვაძესთან შეხვედრას ითხოვენ. ასე რომ, ჩვენ პარლამენტთან მოვდივართ და როგორც ბატონ არჩილს, ასევე სხვა პარლამენტარებს ფართომაშტაბიანი ამნისტიის შესახებ დაპირებას ვახსენებთ. წინააღმდეგ შემთხვევაში ჩვენ არ შევეგუებით ამას და ფართომაშტაბიან აქციებს დავიწყებთ", - განაცხადა კობაიძემ.