კორონავირუსის ახალი შტამი ჩინეთშიც გამოვლინდა. ამ ინფორმაციას ჩინეთის დაავადებათა კონტროლისა და პრევენციის ცენტრი ავრცელებს. მათი თქმით, კორონავირუსის ახალი სახეობა 23 წლის ქალს დაუფიქსირდა, რომელიც გაერთიანებული სამეფოდან ჩინეთის ქალაქ შანხაიში 14 დეკემბერს ჩავიდა.

გაერთიანებულ სამეფოში კორონავირუსის ახალი სახეობა 14 დეკემბერს აღმოაჩინეს. მეცნიერები აცხადებენ, რომ ვირუსის ახალი შტამი უფრო სწრაფად ვრცელდება, თუმცა მაღალი სიკვდილიანობა არ აქვს. გაერთიანებული სამეფოს გარდა კორონავირუსის ახალი სახეობა 20-ზე მეტ ქვეყანაში გამოვლინდა.