გაერთიანებულ სამეფოში გასული დღე-ღამის განმავლობაში კორონავირუსის 62 322 ახალი შემთხვევა გამოვლინდა, ამასთან, ბოლო 24 საათში ქვეყანაში ვირუსს კიდევ 1041 ადამიანის სიცოცხლე ემსხვერპლა. ეს მონაცემები ქვეყნისთვის რეკორდულად მაღალი დღიური მაჩვენებელია აპრილის შემდეგ.

გაერთიანებულ სამეფოში, პანდემიის დაწყების დროიდან კოვიდ 19-ით ინფიცირების 2 836 801 ლაბორატორიულად დადასტურებული შემთხვევაა გამოვლენილი. ქვეყანაში გასული წლის დეკემბერში კორონავირუსის ახალი, უფრო სწრაფად გავრცელებადი შტამი აღმოაჩინეს.