დავით კირკიტაძე - ჩვენთან გამოვრიცხავ იმ პროცესების განვითარებას, რაც „პატრიოტთა ალიანსში“ მოხდა

გამოვრიცხავ იმ პროცესების განვითარებას ჩვენთან, რაც „პატრიოტთა ალიანსში“ მოხდა“,- ამის შესახებ „ერთიანი ნაციონალური მოძრაობის“ წევრმა დავით კირკიტაძემ „პალიტრანიუსის“ ეთერში, გადაცემა „360 გრადუსში“ განაცხადა, რითაც უპასუხა კითხვას, არსებობს თუ არა ბლოკში აზრთა სხვადასხვაობა პარლამენტში შესვლაზე.

დავით კირკიტაძის თქმით, პარტიაში ერთხმად მიიღეს გადაწყვეტილება რომ ამ მოცემულობით „გაყალბებული არჩევნებით“ პარლამენტში არ შევლენ.

„ გადაჭრით გეტყვით, გამოვრიცხავ იმ პროცესების განვითარებას ჩვენთან, რაც „პატრიოტთა ალიანსში“ მოხდა. ჩვენ როდესაც ამ განცხადებას ვაკეთებდით, ბლოკის საბჭოსთან იყო შეხვედრა, პოლიტიკური სუბიექტები იგივე აზრზე არიან, რომ ყველამ ერთად უნდა შევასრულოთ საქართველოს მოქალაქის დაკვეთა“,-განაცხადა კირკიტაძემ.

კითხვაზე, შეიძლება თუ არა გახდეს პარტიის საარჩევნო სია განხეთქილების საბაბი, კირკიტაძე დასძენს, „ეს სია ყველასთვის მოსაწონი ვერ იქნება, ისე როგორც ვერცერთი სია დედამიწის ზურგზე“.

„ნაციონალური მოძრაობა“ წარმოდგენილი იყო ბლოკის სახით, სადაც შედიოდა სხვადასხვა პოლიტიკური სუბიექტი, ადამიანები, რომელთა მოსაზრებები დაემთხვა „ნაციონალური მოძრაობის“ მოსაზრებებს. ბუნებრივია, ეს სია ყველასთვის მოსაწონი ვერ იქნება, ისე როგორც ვერცერთი სია დედამიწის ზურგზე. მეც და ბევრიც ცდილობდნენ უფრო უკეთესს, რა თქმა უნდა, უნდა გვქონდეს მცდელობა, რაც შეიძლება უფრო პროგრესული, ნათელი წარმოდგენებით წარვდგეთ ამომრჩევლის წინაშე. რა თქმა უნდა „ნაციონალური მოძრაობა“ დიდია, აზრთა სხვადასხვაობა მუდმივად არის. თუმცა, ისეთ საკითხზე, როგორიც არის ძალიან მნიშვნელოვანი და გადის წითელი ხაზი, იქ „ნაციონალური მოძრაობამ“ არაერთხელ აჩვენა, რომ ერთანი და მტკიცეა“,- განაცხადა კირკიტაძემ.

ამასთან, კირკიტაძის თქმით, „ნაციონალურ მოძრაობაში“ ახალი პოლიტიკური გუნდი იქნება.

„ახალ თავმჯდომარესთან ერთად, ახალი პოლიტიკური გუნდი იქნება. ამის პრეზენტაცია იანვრის ბოლოს იქნება“, -განაცხადა კირკიტაძემ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით