გიგა ბოკერია - მინდა დავამშვიდო ის, ვინც გულწრფელად ღელავს, აშშ-ში დემოკრატიული ტრადიცია და ინსტიტუტები იმდენად ძლიერია, რომ ლიბერალურ დემოკრატიას საფრთხე არ ემუქრება

მინდა დავამშვიდო ის, ვინც გულწრფელად ღელავს, აშშ-ში დემოკრატიული ტრადიცია და ინსტიტუტები იმდენად ძლიერია, რომ ლიბერალურ დემოკრატიას საფრთხე არ ემუქრება,- ასე ეხმაურება „ევროპული საქართველოს“ ერთ-ერთი ლიდერი, გიგა ბოკერია, ამერიკის შეერთებულ შტატებში განვითარებულ მოვლენებს.

გიგა ბოკერიას განცხადებით, აშშ თავისუფალი სამყაროს ლიდერია.

„მინდა გამოვეხმაურო იმ ნებით თუ უნებლიედ, სიბრიყვით, ნიანგის ცრემლებით თუ გულწრფელი განცდების გამო, აღელვებულ იმ ხალხს, ვინც ამ პუტინის პროპაგანდას და შავრაზმულ პროპაგანდას არის აყოლილი. მინდა დავამშვიდო ის, ვინც გულწრფელად ღელავს, რომ შეერთებული შტატები არის თავისუფალი სამყაროს ლიდერი. დემოკრატიული ტრადიცია და ინსტიტუტები ამერიკის შეერთებულ შტატებში იმდენად ძლიერია, რომ ლიბერალურ დემოკრატიას საფრთხე არ ემუქრება. ჩვენთვის ძალიან მნიშვნელოვანია, რომ ის დარჩება თავისუფალი სამყაროს ლიდერად და ძალიან მნიშვნელოვანია, რომ დარჩება ყველა შემთხვევაში საქართველოს, ქართველი ხალხისა და თავისუფლების მხარდამჭერად“, - განაცხადა ბოკერიამ.

ცნობისთვის, ვაშინგტონში, კაპიტოლიუმის შენობაზე განხორციელებულ თავდასხმას ოთხი ადამიანი ემსხვერპლა. თავდასხმის გამო დაწესებული საგანგებო მდგომარეობა კი, 15 დღით გახანგრძლივდა. ამერიკის შეერთებულ შტატებში განვითარებული მოვლენები „ამბოხად“ შეაფასა ახლად არჩეულმა პრეზიდენტმა ჯო ბაიდენმა. პრეზიდენტ ტრამპს კი, მკაცრად აკრიტიკებენ აშშ-ს ყოფილი პრეზიდენტები. როგორც ბარაქ ობამა აცხადებს, ისტორია კაპიტოლიუმში მომხდარ ძალადობას სამართლიანად დაიმახსოვრებს, როგორც აშშ-ს დიდი სირცხვილისა და სახელის გატეხვის მომენტს. ჯორჯ ბუში კი ამბობს, რომ არჩევნების შედეგებს ასე ბანანის რესპუბლიკაში აპროტესტებენ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით