"ევროპელი სოციალისტები"- ამ სახელწოდებით პოლიტიკური პარტიის სადამფუძნებლო ყრილობა მიმდინარეობს. პარტიის თავმჯდომარედ ფრიდონ ინჯია აირჩიეს.

როგორც ფრიდონ ინჯიამ ყრილობაზე განაცხადა, პარტიის მთავარი მიზანია ქვეყანაში დემოკრატიული ინსტიტუტების გამყარება, ევროატლანტიკური მისწრაფებების მხარდაჭერა და ამავდროულად, მეზობელ სახელმწიფოებთან კეთილმეზობლური ურთიერთობების დამყარება.

"წარმოდგენილი პარტიის ბირთვი ის პიროვნებები არიან, რომლებმაც შრომის და საქმის ფასი იციან. ისინი შეებრძოლებიან უსამართლობას და გაუმარჯვიათ კიდეც. სწორედ ეს მაძლევს იმის იმედს, რომ ჩვენი პარტია იქნება განსხვავებული, სხვა პარტიებისგან. ჩვენი პარტიის მიზანი, პირველ რიგში იქნება მოსახლეობის ინტერესების დაცვა, ქვეყნის ტერიტორიის აღდგენა, სახელმწიფოებრივი ინსტიტუტების მშენებლობა, ქვეყნის ეკონომიკური პოტენციალის გაზრდის ხელშეწყობა, სოციალურ ეკონომოკური პრობლემების გადაჭრა, საქართველოს ევროატლანტიკური მიმართულების მხარდაჭერა და მეზობელ სახელმწიფოებთან კეთილმეზობლური ურთიერთობების დამყარება და სამართლიანი არჩევნების უზრუნველყოფა", - განახადა ინჯიამ.

მისი თქმით, ასევე კრიტიკულები იქნებიან სასამართლო ხელისუფლების მიმართაც.

იხილეთ ვიდეო:"ევროპელი სოციალისტების" პარტიის თავმჯდომარედ ფრიდონ ინჯია აირჩიეს