სოფელ ვალეს ღვთისმშობლის შობის კათოლიკურ ეკლესიაში ნათლისღების ლიტურგია გაიმართა

დღეს, სოფელ ვალეს ღვთისმშობლის შობის კათოლიკურ ეკლესიაში ნათლისღების ლიტურგია გაიმართა, რომელსაც ტაძრის მოძღვარი, მამა მიხეილ სურმავა უძღვებოდა.

როგორც „ინტერპრესნიუსს” რელიგიის საკითხთა სახელმწიფო სააგენტოდან აცნობეს, საზეიმო წირვას ვატიკანის ელჩი საქართველოში, არქიეპისკოპოსი ჟოზე აველინო ბეტანკური და რელიგიის სააგენტოს სამცხე- ჯავახეთის კოორდინატორი, ელვარდ ზაზაძე ესწრებოდნენ.

მათივე ცნობით, ლიტურგიის დასრულების შემდგომ, ტაძრის მოძღვარმა მადლობა გადაუხადა რელიგიის საკითხთა სახელმწიფო სააგენტოს თანადგომისა და ყურადღებისთვის, რომელსაც იგი კათოლიკური ეკლესიის მიმართ იჩენს, კერძოდ - covid-19-ით გამოწვეული პრობლემების მოგვარების თვალსაზრისით. ვატიკანის ელჩმა საქართველოში, ბატონმა ბეტანკურმა, სიტყვით მიმართა მრევლს, მიულოცა დღესასწაული, ასევე, ხაზი გაუსვა რელიგიის სააგენტოს მნიშვნელობას და მადლობა გადაუხადა სამცხე- ჯავახეთის კოორდინატორს, ელვარდ ზაზაძეს იმ თანადგომისათვის, რომელსაც იგი იჩენს კათოლიკური ეკლესიისა და მრევლის მიმართ.

ინფორმაციაში აღნიშნულია, რომ რელიგიის სააგენტოს კოორდინატორმა სამცხე-ჯავახეთში, ელვარდ ზაზაძემ, ნათლისღება მიულოცა სასულიერო პირებსა და ტაძარში მყოფ მრევლს და ასევე, ვატიკანის ელჩმა რელიგიის სააგენტოს სამცხე-ჯავახეთის კოორდინატორი სადილზე მიიწვია.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო