არჩილ თალაკვაძე - თუ ოპოზიციას დღეს არაფორმალური მმართველი ჰყავს, ეს პირველ რიგში არის მიხეილ სააკაშვილი

თუ ოპოზიციას დღეს არაფორმალური მმართველი ჰყავს, ეს პირველ რიგში, არის მიხეილ სააკაშვილი და ის წაგებული დეპუტატები, რომლებსაც მანდატები არ აქვთ და მადატებს უხევენ იმ დეპუტატებს, ვინც საზოგადოებამ აირჩია და პარლამენტში არ შემოდიან, - ამის შესახებ პარლამენტის თავმჯდომარემ არჩილ თალაკვაძემ დღევანდელ ბრიფინგზე განაცხადა.

მისი თქმით, ბიძინა ივანიშვილის პოლიტიკიდან წასვლის შემდეგ, ყრილობა პარტიის ახალ თავმჯდომარეს აირჩევს და პოლიტსაბჭოც განახლდება.

„თუ არაფორმალური მმართველობის მაგალითი გინდათ, ეს არის კლასიკური მაგალითი, როდესაც სხვა ქვეყნიდან უკანონო ჩარევით ადამიანი მართავს რადიკალურ ოპოზიციას და მეორე, როდესაც უმანდატო პოლიტიკოსები მანდატიან პოლიტიკოსებს უხევენ მანდატებს. ამაზე მეტი არაფორმალიზმი რა გნებავთ. ბატონი ბიძინა ივანიშვილი გახლდათ ფორმალურ პოზიციაზე, ის სრულად ლეტიმურ პოზიციაზე იყო იმისთვის, რომ მმართველობის პროცესში მონაწილეობა მიეღო. ის ტოვებს თანამდებობას. შესაბამისად, უკვე კანონმდებლობის თანახმად და იმ დებულების თანხმად, რაც პარტიას აქვს, მოხდება ყრილობის მიერ ახალი თავმჯდომარს არჩევა, პოლიტსაბჭოს განახლება და ჩვენ ამ რეჟიმში განვაგრძობთ პარტიის მართვას“,-განაცხადა თალაკვაძემ.

მან აღნიშნა, რომ ბიძინა ივანიშვილს თანამდებობის დატოვებამდე გუნდთან კონსულტაციები ჰქონდა.

არჩილ თალაკვაძემ ასევე განაცხადა, რომ ივანიშვილმა ქველმოქმედებაში 3 მილიარდ დოლარამდე დახარჯა.

ბიძინა ივანიშვილმა 3 მილიარდ დოლარამდე ქველმოქმედება განახორციელა ამ წლების მანძილზე და ეს ფული მოახმარა საკუთარ სამშობლოს და საქართველოს მოქალაქეებს. კულტურულ-საგანმანათლებო, სამეცნიერო, კულტურულ პროექტებს“,-განაცხადა თალაკვაძემ.

ცნობისთვის, „ქართული ოცნების“ თავმჯდომარე ბიძინა ივანიშვილი თანამდებობას ტოვებს და პოლიტიკიდანაც მიდის.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის