ხათუნა გოგორიშვილი - ბიძინა ივანიშვილის წერილი, დაწყებული ფორმით და დამთავრებული შინაარსით უტიფარი, მატყუარა ადამიანის აზრების გამომზეურებაა

ბიძინა ივანიშვილის წერილი, დაწყებული ფორმით და დამთავრებული შინაარსით უტიფარი, მატყუარა ადამიანის აზრების გამომზეურებაა,- ამის შესახებ „ევროპული საქართველოს” ერთ-ერთმა წევრმა ხათუნა გოგორიშვილმა განაცხადა, რითაც ივანიშვილის პოლიტიკიდან წასვლას გამოეხმაურა.

გოგორიშვილმა აღნიშნა, რომ ივანიშვილის პოლიტიკაში მოსვლის ქველმოქმედებად მონათვლა ნიშნავს, რომ მას საზოგადოებას ყველაფერი ისე უნდა დაანახოს, როგორც თავად სურს.

გოგორიშვილის განცხადებით, ქველმოქმედება უანგარო უნდა იყოს, ხოლო ბიძინა ივანიშვილისთვის დამახასიათებელი ერთ-ერთი მნიშვნელოვანი თვისება - ანგარებაა.

ბიძინა ივანიშვილის წერილი, დაწყებული ფორმით, რა ფორმას ირჩევს ის საზოგადოებასთან ურთიერთობისათის, დამთავრებული შინაარსით, არის ერთადერთი რამ, ეს არის უტიფარი, მატყუარა ადამიანის აზრების გამომზეურება. ის რასაც წერს ამ წერილში, რომ ყველა მისი დაპირება შესრულდა, ესაა პირდაპირ ხალხისთვის სახეში შეფურთხება, რადგან დარწუნებულია, რომ საქართელოს მოსახლეობას არ აქვს მეხსიერება, დარწუნებულია, რომ ჩვენ ყველა ვართ აღფრთოვანებული ასი ქარხანის გუგუნით, ყველა სოფელს 5-5 მილიონი რომ ჩამოურიგეს, სოლარიუმებზე ურეკში არაფერს ვამბობ.

ამას გვეუბნება, რომ მე რაც ვთქვი, ყველაფერი გავაკეთე, გიხაროდენ. ეს, კიდევ ერთხელ ვიმეორებ - უტიფრობა, არის მატყუარა ადამიანის მცდელობა, რომ ისე მოაჩვენის სიტუაცია საქართველოში, რომ თითქოს ხალხი არ შიმშილობს, თითქოს არ არის სრულიად უმართავი პოლიტიკა პანდემიასთან მიმართებაში, თითქოს კრიმინალი არ ბოგინებს და ჩვენ ყველა საამურ ქვეყანაში ვცხოვრობთ.

მისი პოლიტიკაში მოსვლის ქველმოქმედებად მონათვლა ნიშნავს, რომ მას ყველაფერი უნდა დაანახოს საზოგადოებას ისე, როგორც თვითონ სურს და თვითონ უყურებს ამას. კარგად ვხედავთ, რომ ის ქველმოქმედება, რასაც ერქვა წლების განმავლობაში, თუნდაც ხელოვნების მუშაკებისათის კომპენსაციების დარიგება, ეს იყო მისი გათვლილი გეგმა და პოლიტიკაში მოსვლის პირველ ეტაპზე, კარგად დავინახეთ როგორ დადიოდნენ ეს ადამიანები სოფელ-სოფელ, კარდაკარ და ამ ვალს როგორ „იხდიდნენ“ მისი ქება-დიდებით.

ქველმოქმედება არის, როდესაც ადამიანი რაღაცას უანგაროდ აკეთებს და ანგარება ბიძინა ივანიშვილისთვის დამახასიათებელი ერთ-ერთი მნიშნელოვანი თვისებაა”, - განაცხადა გოგორიშვილმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი