ფოტოგრაფ იაკობ ბრეგვაძის განცხადებით, შაქარაშვილის საქმეზე ჩვენება არ შეუცვლია

ფეხბურთელ გიორგი შაქარაშვილის საქმეზე ე.წ. ოქროს მოწმის, დაზარალებულის სტატუსის მქონე იაკობ ბრეგვაძის განცხადებით, მას ჩვენება არ შეუცვლია. აღნიშნულის შესახებ ბრეგვაძემ ჟურნალისტებს სასამართლოში განუცხადა, სადაც ის მოწმის სახით უნდა დაიკითხოს.

„არ შემიცვლია არაფერი, არ ვცვლი არაფერს. რაც რეალურად ვიცი, იმას ვამბობ“, - განაცხადა ბრეგვაძემ.

კითხვაზე, დაასახელა თუ არა მან კონკრეტული პირები, რომლებიც ბრალდებულები არიან, უპასუხა, რომ „არა, ვისაც არ იცნობს, იმას როგორ დაასახელებს“.

ცნობისთვის, ფეხბურთელ გიორგი შაქარაშვილის საქმეზე ბრალდებულ 5 პირს ძალადობას, ძალადობის ორგანიზებას, მაში მონაწილეობასა და თავისუფლების უკანონო აღკვეთას ედავებიან.

ფეხბურთელ გიორგი შაქარაშვილის საქმეზე ბრალდებული 5 სრულწლოვნის სასამართლო პროცესი დღეს, ე.წ. ოქროს მოწმის, დაზარალებულის სტატუსის მქონე ფოტოგრაფ იაკობ ბრეგვაძის დაკითხვით განახლდება.

აღნიშნულ საქმეზე იაკობ ბრეგვაძის დაკითხვა თბილისის საქალაქო სასამართლოში გასულ სხდომაზე დაიწყო, თუმცა, ადვოკატების მოთხოვნით, პროცესი გადაიდო.

როგორც უფლებადამცველები აცხადებენ, იაკობ ბრეგვაძემ გამოძიების ეტაპზე მიცემული ჩვენებებიდან სასამართლოში რადიკალურად განსხვავებული ჩვენება მისცა. არსებული ინფორმაციით, დახურულ სხდომაზე იაკობ ბრეგვაძემ ბრალდებულების მამხილებელი ჩვენება მისცა და ისაუბრა იმ გარემოებებზე, რაზეც აქამდე არცერთ ჩვენებაში უსაუბრია.

იხილთ ვიდეო: ფოტოგრაფ იაკობ ბრეგვაძის განცხადებით, შაქარაშვილის საქმეზე ჩვენება არ შეუცვლია

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა