ევროსაბჭოს პრეზიდენტი შარლ მიშელი რუსი ოპოზიციონერი პოლიტიკოსის, ალექსეი ნავალნის დაკავებას „მიუღებელ“ ფაქტს უწოდებს და რუსეთის ხელისუფლებას მისი გათავისუფლებისკენ მოუწოდებს.
„მოსკოვში დაბრუნებული ალექსეი ნავალნის დაკავება მიუღებელია. რუსეთის ხელისუფლებას მოვუწოდებ, დაუყოვნებლივ გაათავისუფლონ იგი,“- წერს მიშელი სოციალურ ქსელ „ტვიტერში“.
ცნობისთვის, ბერლინიდან მოსკოვში დაბრუნებული რუსი ოპოზიციონერი, ალექსეი ნავალნი, აეროპორტში დააკავეს. ის ბერლინის კლინიკაში სამკურნალოდ 2020 წლის აგვისტოს, ნერვული აგენტით მოწამვლის შემდეგ, გადაიყვანეს.