აშშ-ის კაპიტოლიუმის შენობაში, მოსალოდნელი საფრთხის გამო, საგანგებო მდგომარეობა გამოცხადდა.

BBC-ის ინფორმაციით, აღნიშნული გადაწყვეტილება მას შემდეგ მიიღეს, რაც შენობის სიახლოვეს კვამლი შენიშნეს.

საგანგებო მდგომარეობის გამოცხადების შემდეგ კაპიტოლიუმის შენობაში შესვლა ან გამოსვლა შეუძლებელია. უსაფრთხოების სამსახური მოქალაქეებს მოუწოდებს, შენობასთან მიახლოებისგან თავი შეიკავონ.

BBC-ის ინფორმაციით, ამ დროისთვის ხანძარი ჩამქრალია და საზოგადოებისთვის საფრთხეს აღარ წარმოადგენს.

შეგახსენებთ, 20 იანვარს კაპიტოლიუმში აშშ-ის არჩეული პრეზიდენტის ჯო ბაიდენის ინაუგურაცია გაიმართება. ამ დროისთვის შენობაში ღონისძიების მოსამზადებლად სამუშაოები მიმდინარეობს.