„სტრატეგია აღმაშენებლის“ ლიდერის სერგო ჩიხლაძის განცხადებით, ოპოზიციურ პარტიებს შორის არსებობს იდეა, რომ გაერთიანებული შეხვედრა შედგეს, თუმცა დრო და ადგილი განსაზღვრული არ არის.
ამასთან, როგორც ჩიხლაძემ ტელეკომპანია „პალიტრანიუსის“ გადაცემა „360 გრადუსში“ განაცხადა, თუ ოპოზიციურ ერთობას „მოქალაქეების“ ლიდერები ალეკო ელისაშვილი და ლევან იოსელიანი გამოეთიშებიან, „ეს ოპოზიციის რღვევა და ტრაგედია არ იქნება“.
„თუ ორი ადამიანი გამოგვეთიშება, ელისაშვილის ჩათვლით, ეს რღვევა და ტრაგედია არ იქნება, არც გირჩის სამი წევრი არ იქნება ოპოზიციის რღვევა. საერთო პოზიცია არ იცვლება. განსხვავებით სხვებისგან, ყველას პატივს ვცემთ, მაგრამ დამატებით 5 კაციც რომ შევიდეს პარლამენტში, რამე შეიცვლება? თვითონ „გირჩიც“ დამეთანხმება, რომ არ განიმუხტება ვითარება“,- განაცხადა ჩიხლაძემ.