ბადრი ჯაფარიძე - იმედი გვაქვს, ჩვენი მანდატების გაუქმებამდე არსებული დრო „ქართული ოცნების“ მიერ არ იქნება განიავებული და გადმოდგამს ნაბიჯს, რომელიც მიგვაღწევინებს პოლიტიკურ მშვიდობას

„ლელო საქართველოსთვის“ ერთ-ერთი ლიდერის ბადრი ჯაფარიძის განცხადებით, ერთადერთი სწორი ნაბიჯია ის, რომ მიღწეული იყოს პოლიტიკური მშვიდობა. ამის შესახებ ბადრი ჯაფარიძემ „პალიტრანიუსის“ გადაცემაში „360 გრადუსი“ განაცხადა.

ამასთან, როგორც ჯაფარიძემ განმარტა, მას არ მოუსმენია „ევროპული საქართველოს“ ერთ-ერთი ლიდერის გიგა ბოკერიას მიერ „პალიტრა ნიუსის“ ეთერში გაკეთებული განცხადება, რომელიც მშვიდობიან საპროტესტო აქციებისთვის მზადების დაწყებას ეხებოდა.

„მე არ მომისმენია გიგა ბოკერიას ეს განცხადება. შესაძლოა ის გულისხმობდა იმას, რომ თუკი საბოლოოდ გაუქმდა ჩვენი მანდატები, ცხადია, ჩვენ კონსტიტუციის ფარგლებში უნდა გავაგრძელოთ მოთხოვნა ვადამდელი არჩევნების ჩანიშვნის შესახებ. მერე, რა თქმა უნდა, რჩება მშვიდობიანი მანიფესტაციების გზით მოთხოვნის გაგრძელება. ვფიქრობ, ალბათ ეს იგულისხმებოდა მის მიერ, იმიტომ, რომ ახლა მაინც იმედი გვაქვს, სანამ არ ამოიწურა ის დრო, როდესაც უკვე უნდა გაუქმდეს ჩვენი მანდატები, მანამდე არსებული დრო არ იქნება განიავებული „ქართული ოცნების“ მიერ და გადმოდგამს ამ ერთ დარჩენილ უმნიშვნელოვანეს ნაბიჯს, რომელიც მიგვაღწევინებს პოლიტიკურ მშვიდობას. ახლა, ეს არის ერთადერთი სწორი ნაბიჯი, რომ ჩვენ მივაღწიოთ პოლიტიკურ მშვიდობას. ვფიქრობ, ამისთვის, მხოლოდ და მხოლოდ, საჭიროა პოლიტიკური გამბედაობა“, - განაცხადა ბადრი ჯაფარიძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი