გურამ მაჭარაშვილი - ოპოზიციას ბოლომდე მივცემთ შესაძლებლობას, სამართლებრივ მექანიზმს, რომ აღარ დარჩეს სპეკულაციის ადგილი და გამოიყენონ ის ფუნქცია, რაც მათ პარლამენტმა კონსტიტუციურად დააკისრა

ოპოზიციას ბოლომდე მივცემთ საშუალებას, სამართლებრივ მექანიზმს, შესაძლებლობას, რომ აღარ დარჩეს სპეკულაციის ადგილი, რათა გამოიყენონ ის ფუნქცია, რაც მათ საქართველოს პარლამენტმა კონსტიტუციურად დააკისრა,- ამის შესახებ “ქართული ოცნების” დეპუტატმა, გურამ მაჭარაშვილმა ჟურნალისტებს განუცხადა.

როგორც მაჭარაშვილმა აღნიშნა, პარლამენტი თითოეული ოპოზიციონერი დეპუტატისთვის უფლებამოსილების შეწყვეტის საკითხს ცალ-ცალკე განიხილავს.

„აქ ორი კომპონენტია - პოლიტიკური მდგენელი და სამართლებრივი, პროცედურული ხასიათის. ჩვენ მაქსიმალურად ვითვალისწინებთ იმას, რომ ქვეყანაში პოლიტიკური პროცესები არ დაზიანდეს. ჩვენ საპარლამენტო ოპოზიციას მაქსიმალურად ვაძლევთ საშუალებას, რომ დაიწყონ საპარლამენტო საქმიანობა. ასევე ცნობილია, რომ ჩვენი საერთაშორისო პარტნიორები და ელჩები სრულ თანხვედრაში არიან “ქართული ოცნების” პოზიციასთან, რაც საპარლამენტო ოპოზიციის საპარლამენტო საქმიანობის დაწყებას ეხება. აქედან გამომდინარე, ჩვენ სამართლებრივ მექანიზმებს ბოლომდე მივცემთ ოპოზიციის წარმომადგენლებს, რომ მათ თავიანთი როლი შეასრულონ. მეორე მხრივ, მკაცრად დავიცავთ რეგლამენტის მოთხოვნებს, რაც არის გათვალისწინებული საქართველოს პარლამენტის რეგლამენტში. საპარლამენტო ოპოზიციის წევრებმა განცხადებები სხვადასხვა დროს დაწერეს. ვადები არის სხვადასხვა. რეგლამენტის მიხედვით საპროცედურო საკითხთა და წესების კომიტეტი ამას სკულპულოზურად სწავლობს და მკაცრად დავიცავთ რეგლამენტის მოთხოვნებს“,- განაცხადა მაჭარაშვილმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი