ტიტუს კორლატეანი - საქართველოს მთავრობას მოვუწოდებ, სერიოზულად გამოიძიოს ბრალდებები გადაცდომების შესახებ, ოპოზიციას ვთხოვ, რომ ამ პარლამენტის ნაწილი გახდეს

საერთაშორისო საარჩევნო სადამკვირვებლო მისიამ ეს არჩევნები შეაფასა, როგორც ძირითადად თავისუფალი, კონკურენტული და საერთო ჯამში, ფუნდამენტური თავისუფლებები იყო დაცული, - ამის შესახებ რუმინელმა დეპუტატმა ტიტუს კორლატეანმა ევროსაბჭოს საპარლამენტო ასამბლეის სხდომაზე განაცხადა, სადაც საქართველოში 31 ოქტომბერს ჩატარებულ საპარლამენტო არჩევნებთან დაკავშირებით დებატები გაიმართა.

ტიტუს კორლატეანმა საქართველოს ხელისუფლებას არჩევნების პერიოდში მომხდარი გადაცდომების გამოძიებისკენ, ოპოზიციას კი პარლამენტში შესვლისკენ მოუწოდა.

„ამასთან, კიდევ ერთხელ მინდა, გავუსვა ხაზი, რომ ისევ მნიშვნელოვანია ხარვეზების გამოსწორება, ეს მოიცავს ბრალდებებს გადაცდომების შესახებ. აღარ გავიმეორებ იმას, რაზედაც თინი კოქსმა ისაუბრა, მაგრამ აღვნიშნავ პოლარიზაციის საკითხს. ეს შემაშფოთებელი სიტუაციაა. ჩვენ უნდა წავახალისოთ როგორც მმართველი ძალა, ასევე ოპოზიცია, რათა გააგრძელონ მუშაობა ამ პოლარიზაციის შესამცირებლად. მსურს, მთავრობას მოვუწოდო, სერიოზულად გამოიძიოს ბრალდებები გადაცდომების შესახებ და გამოასწოროს ხარვეზები. ოპოზიციას კიდევ ერთხელ გავუმეორებ ჩვენს თხოვნას, რომ ამ პარლამენტის ნაწილი გახდეს. ეს არის სწორი ადგილი იმისთვის, რომ სიტუაციის გასაუმჯობესებლად დემოკრატიული დებატები გაიმართოს“, - განაცხადა ტიტუს კორლატეანმა, რომელიც ევროპის საბჭოს საპარლამენტო ასამბლეის საქართველოს მონიტორინგის ჯგუფის თანამომხსენებელია.

დღეს ევროსაბჭოს საპარლამენტო ასამბლეის პლენარულ სხდომაზე საქართველოში 31 ოქტომბერს ჩატარებული საპარლამენტო არჩევნების საკითხზე დებატები გაიმართა. მთავარი მომხსენებელი ტინი კოქსი იყო, რომელიც არჩევნების დროს საქართველოში ევროპის საბჭოს საპარლამენტო ასამბლეის დელეგაციას ხელმძღვანელობდა.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით