ნიდერლანდების პრემიერ-მინისტრმა მარკ რუტემ ქვეყანაში "კომენდანტის საათის" გაუქმების გამო გამართულ საპროტესტო აქციებს „კრიმინალური ძალადობა“ უწოდა.
მისი თქმით, საპროტესტო აქციები პოლიციასთან შეტაკებასა და მაღაზიების დარბევაში გადაიზარდა, რაც კანონის სერიოზული დარღვევაა.
„ამას თავისუფლებისთვის ბრძოლასთან არაფერი აქვს საერთო – ეს კრიმინალური ძალადობაა და ჩვენი რეაქცია შესაბამისი იქნება“,- განაცხადა მან.
პრემიერმა ასევე აღნიშნა, რომ "კომენდანტის საათის" გაუქმებას არ აპირებს. 24 იანვარს ნიდერლანდების რამდენიმე ქალაქში, პანდემიის გამო დაწესებული შეზღუდვების წინააღმდეგ გამართულ საპროტესტო აქციები გაიმართა, სადაც სამართალდამცავებმა 250-მდე ადამიანი დააკავეს. საპროტესტო აქციის დასაშლელად პოლიციამ ამსტერდამში წყლის ჭავლი გამოიყენა.