სომხეთში, გასული დღე-ღამის განმავლობაში, კორონავირუსის 138 ახალი შემთხვევა გამოვლინდა, - ამის შესახებ ინფორმაციას სომხეთის დაავადებათა კონტროლისა და პრევენციის ეროვნული ცენტრი ავრცელებს.
მათივე ინფორმაციით, ქვეყანაში ბოლო 24 საათში კოვიდ 19-ს 2 პაციენტის სიცოცხლე ემსხვერპლა.
სომხეთში, საერთო ჯამში, კორონავირუსის 166 232 შემთხვევაა დადასტურებული, დღემდე ვირუსს 3 052 ადამიანი ემსხვერპლა, გამოჯანმრთელებული პაციენტების საერთო რაოდენობა კი 155 000-ს აჭარბებს.