ზურაბ ჯაფარიძე - ყველა შეზღუდვა მოსახსნელია - დღეს ამ აქციისგან განსაკუთრებული  მოლოდინი არ მაქვს, არ მჯერა, რომ ამ აქციის გამო ხელისუფლება უკან დაიხევს - ბევრად მეტი ადამიანი უნდა გამოვიდეს

ყველა შეზღუდვა მოსახსნელია, შემსუბუქება ნიშნავს, რომ ხელისუფლება სხვადასხვა ტიპის ბიზნესით მანიპულირებს, - ამის შესახებ პარტია „გირჩი - მეტი თავისუფლების” ლიდერმა ზურაბ ჯაფარიძემ მთავრობის ადმინისტრაციასთან ჟურნალისტებს განუცხადა, სადაც დაწესებული რეგულაციების მოხსნის მოთხოვნით აქცია მიმდინარეობს.

ზურაბ ჯაფარიძის თქმით, აქციები ბევრად უფრო მრავალრიცხოვანი უნდა იყოს იმისთვის, რომ ხელისუფლება დათმობაზე წამოვიდეს.

„აქციის მიზანია ყველა შეზღუდვის მოხსნა, დღეს ამ აქციისგან განსაკუთრებულის მოლოდინი არ მაქვს, არ მჯერა, რომ ამ აქციის გამო ხელისუფლება უკან დაიხევს. აქციები ბევრად უფრო მრავალრიცხოვანი უნდა იყოს, ბევრად მეტი ადამიანი უნდა გამოვიდეს. მხოლოდ ამ შემთხვევაში შეიძლება ჰქონდეს ეფექტი.

ჩემი აზრით, ყველა შეზღუდვა მოსახსნელია. შემსუბუქება ნიშნავს, რომ ხელისუფლება მანიპულირებს სხვადასხვა ტიპის ბიზნესებით. აცხადებენ, რომ ფრენები გაიხსნება 1-ელი თებერვლიდან, რასაც შინაარსი არ გააჩნია. რა დატვირთვა ექნება ფრენების გახსნას, როდესაც ადამიანი ვერ ჩამოვა საქართველოში, ჯერ 12 დღე კარანტინში უშვებენ, რომ გამოვა სასტუმრო არ არის, რომ გაჩერდეს, საჭმელი რომ მოუნდეს, რესტორანი არ არის “,-აცხადებს ჯაფარიძე.

შეგახსენებთ, კორონავირუსის პრევენციისთვის დაწესებული შეზღუდვების მოხსნის მოთხოვნით რამდენიმე დღეა რაც საპროტესტო აქციები იმართება.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი