გერმანიის ჯანდაცვის მინისტრმა მხარი დაუჭირა ევროკავშირის წინადადებას ვაქცინების ექსპორტზე შეზღუდვების დაწესების შესახებ, - ამის შესახებ ინფორმაციას Reuters-ი ავრცელებს.
„მესმის, რომ წარმოებასთან დაკავშირებული პრობლემები არსებობს, მაგრამ მაშინ ამან ყველაზე ერთნაირად უნდა იმოქმედოს. აქ არ არის საუბარი, რომ ევროპა პირველია, აქ არის საუბარი ევროპის სამართლიან წილზე,“- აღნიშნა იენს შპანმა.
ცნობისათვის, AstraZeneca-მ გასული კვირის პარასკევს ევროკავშირს განუცხადა, რომ მარტის ბოლომდე ვაქცინის დაგეგმილი რაოდენობის მოწოდებას ვერ შეძლებდა, მანამდე კი ვაქცინის მიწოდება დროებით შეანელა კომპანია Pfizer-მაც. კომპანიის განმარტებით, ამის მიზეზი ვაქცინის წარმოებასთან დაკავშირებული პროცესებია.