გაერთიანებულ სამეფოში კორონავირუსის მსხვერპლთა რიცხვმა 100 000-ს გადააჭარბა. BBC-ის ინფორმაციით, მხოლოდ ბოლო ერთი კვირის განმავლობაში ქვეყანაში ვირუსს 7 776 ადამიანი ემსხვერპლა. ამ დროისთვის ქვეყანაში კორონავირუსით დაინფიცირებულთა რაოდენობა 3.6 მილიონს აღემატება, გარდაცვლილთა რაოდენობამ კი 104 000-ს გადააჭარბა.
გაერთიანებული სამეფო კორონავირუსით დაინფიცირებულ პაციენტთა რაოდენობით ევროპაში პირველ, ხოლო მსოფლიოში მე-5 ადგილზეა.