სამხრეთ აფრიკის რესპუბლიკის პრეზიდენტი კირილ რამაფოსა მდიდარ ქვეყნებს მოუწოდებს კორონავირუსის ვაქცინების მომარაგება შეწყვიტონ, რათა ის მსოფლიოში თანაბრად გადანაწილდეს.
„მდიდარი ქვეყნები კორონავირუსის ვაქცინის დოზებს იმარაგებენ. ზოგიერთ ქვეყანას იმაზე 4-ჯერ მეტი ვაქცინა აქვს შეძენილი, ვიდრე რეალურად სჭირდება, ღარიბ ქვეყნებს კი ვაქცინაზე ხელი ჯერჯერობით არ მიუწვდებათ“, -აცხადებს ის.
Reuters-ის ინფორმაციით, მაგალითად გაერთიანებულ სამეფოს ვაქცინის 367 მილიონი დოზა აქვს შეძენილი, მაშინ, როცა ქვეყნის მოსახლეობა 67 მილიონია. ევროკავშირს კი, სადაც 450 მილიონი ადამიანი ცხოვრობს, ვაქცინის 2.3 მილიარდი დოზა აქვს შეკვეთილი.