განათლების სამინისტროსთან სტატუსშეჩერებული სტუდენტებისთვის გადასახადის განახევრების მოთხოვნით აქცია გაიმართა

პოლიტიკური პარტიებისა და სამოქალაქო მოძრაობების ახალგაზრდული ფრთის წარმომადგენლებმა განათლების სამინისტროსთან აქცია გამართეს.

როგორც „ინტერპრესნიუსს" მოძრაობა „ხალხისთვის" წევრმა მარიამ კუსიანმა განუცხადა, დღევანდელი აქციის მთავარი მოთხოვნაა, რომ სტატუსშეჩერებულ სტუდენტებს გადასახადი გაუნახევრდეთ.

კუსიანის თქმით, განათლების სამინისტროსა და მთავრობას აღნიშნულ თემაზე არაერთხელ მიმართეს, თუმცა საკითხს მათი მხრიდან არანაირი რეაგირება არ მოჰყოლია.

„ჩვენი არაერთი მოთხოვნის მიუხედავად, განათლების სამინისტრომ და მთავრობამ არანაირი რეაგირება არ მოახდინა. შესაბამისად, სტუდენტების პრობლემები პრობლემებად რჩება და ჩვენი ლოზუნგია: „რამდენ კრედიტიანია თქვენი სიჩუმე?! მოთხოვნებიც იგივეა, რაც აქამდე გვქონდა. ვითხოვთ, რომ სტატუსშეჩერებულ სტუდენტებს სტუდენტის სტატუსი აღუდგეთ და სწავლის საფასური გაუნახევრდეთ. ჩვენი გეგმაა, რომ არაერთი მიმართვა გავაკეთოთ და მაქსიმალურად შევეცადოთ, რომ იმ ადამიანებს, ვისაც პრობლემის მოგვარება შეუძლიათ ხმა მივაწვდინოთ", - განაცხადა კუსიანმა.

იხილეთ ვიდეო:სტატუსშეჩერებულმა სტუდენტებმა განათლების სამინისტროსთან აქცია გამართეს

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით