"თბილისი ცენტრალის" დირექტორის განცხადებით, დაკეტილი სავაჭრო ცენტრისთვის საგადასახადო ტვირთის სრულად დაკისრება არასამართლიანი მიდგომაა

"თბილისი ცენტრალის" დირექტორის, ლევან ყარალაშვილის განცხადებით, დაკეტილი სავაჭრო ცენტრისთვის საგადასახადო ტვირთის სრულად დაკისრება არასამართლიანი მიდგომაა.

როგორც მთავრობის ეკონომიკურ გუნდსა და ბიზნეს სექტორის წარმომადგენლებს შორის გამართული შეხვედრის შემდეგ ყარალაშვილმა ჟურნალისტებს განუცხადა, მათთვის ქონების გადასახადის შემცირების საკითხი ამ ეტაპზე არ განიხილება.

„ჩვენ, როგორც დარგი, ვთვლით, რომ არასამართლიანი მიდგომა რჩება. სავაჭრო ცენტრი დაკეტილი იყო 5 თვის განმავლობაში და იგივე საგადასახადო ტვირთის სრულად დაკისრება უბრალოდ არამიზანშეწონილია. ამ მიმართულებით გავაგრძელებთ მუშაობას და იმედს ვიტოვებთ, გამოინახება რესურსი, რომ ეს შეღავათი მივიღოთ",- განაცხადა ყარალაშვილმა.

ამასთან, ყარალაშვილის თქმით, სექტორს აქვს კონკრეტული დროებითი გადაწყვეტილებები, რომელსაც ეკონომიკის სამინისტროსთან ერთად დაამუშავებს.

„კარგი ამბავია, რომ შეზღუდვა იქნება 10 კვადრატულ მეტრზე ერთი მომხმარებლის, როგორც ჰიპერმარკეტებშია. მეორე ისაა, რომ იმუშავებს გასახდელები, ასევე იქნება პროდუქციის გადაცვლის საშუალება, რაც ასევე მნიშვნელოვანია კლიენტებისთვის. სამწუხაროდ, ჯერ ვერ განიხილება შაბათ-კვირას მუშაობის საკითხი, თუმცა ორი კვირის განმავლობაში მოხდება ამ საკითხზე მობრუნება. შეფასდება ეპიდემიოლოგიური სიტუაცია და გადაწყვეტილება ამის მიხედვით იქნება მიღებული, თუმცა ჩვენ გვაქვს კონკრეტული დროებითი გადაწყვეტილებები, რომელსაც ეკონომიკის სამინისტროსთან ერთად დავამუშავებთ",- განაცხადა ყარალაშვილმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი