პარლამენტის თავმჯდომარემ იმაზე ილაპარაკოს, თვითონ რაზე ნერვიულობს და რა პრობლემებს წააწყდება. განსაკუთრებით, ახლა, როცა ევროსაბჭოს საპარლამენტო ასამბლეა მიმდინარეობს და ოპოზიციის წარმომადგენლად ირაკლი კობახიძეს ფრიდიონ ინჯია ჰყავს წაყვანილი, - ასე უპასუხა „ევროპული საქართველოს“ ერთ-ერთმა ლიდერმა ხათუნა გოგორიშვილმა ტელეკომპანია „პალიტრანიუსის“ გადაცემაში „დღის ნიუსრუმი“ პალამენტის თავმჯდომარის, არჩილ თალაკვაძის განცხადებას, რომლის მიხედვითაც, ის მიიჩნევს, რომ მანდატების შეწყვეტის საკითხზე ოპოზიცია საკმაოდ ნერვიულობს.

„იმაზე ინერვიულოს, რომ ევროპაში მოგვეჭრება თავი და ქვეყანას ეჭრება თავი, იმაზე ნუ ინერვიულებს რას ფიქრობს ოპოზიცია. ოპოზიციას უფლებამოსილებას შეუწყვეტენ თუ არა, ეს ფორმალობაა...

კიდევ ერთხელ, ხაზი გაესმება იმას, რომ „ქართული ოცნება“ სრულიად მარტოა დარჩენილი პარლამენტში და რაც არ უნდა „პატრიოტთა ალიანსიდან“ ოთხი ჰყავდეს და კიდევ ერთი-ორი მიემატოს სხვა პარტიებიდან, ეს ვერანაირად ვერ შექმნის ილუზიას, რომ ქვეყანაში ნორმალური, ჯანსაღი დემოკრატიული ოპონირება მიდის ხელისუფლებასა და ოპოზიციას შორის. თუ ვინმეს უნდა და გამოჩნდა კიდეც, რომ ვიღაცეები საბაბს ეძებენ როგორ შევიდნენ პარლამენტში, ზოგმა იარაღის ტარების უფლება მოინდომა და ზოგმა კიდევ გაწიკწიკებული სარჩევნო კოდექის პირობის მიღება, ასეთები თუ არიან, მაინც შევლენ და მაინც მიზეზს მონახავენ. შეიძლება, საერთოდ თქვან, გაზაფხული მოვიდა, კარგ ხასიათზე დავდექი და შევდივარ პარლამენტშიო. ეს არ არის ოპოზიციის პრობლემა, ვისაც ოპოზიცია ჰქვია“, - განაცხადა გოგორიშვილმა.

მისივე თქმით, მიწიერი სატყუარებით მოტყუებულ დეპუტატებზე საუბარი, რომ ისინი ოპოზიციური ერთობისთვის დანაკლისია, სწორი არ იქნება. გოგორიშვილმა ასევე რეგლამენტში დაგეგმილი ცვლილებები შეაფასა, რომელიც მმართველი გუნდის ინიციატივით პარლამენტში შესული ცალკეული დეპუტატებისთვის ხორციელდება.

„ალეკო ელისაშვილს შეუძლია, რომ შევა, დაემატოს ფირდინ ინჯიას „პატრიოტებს“, როგორმე 7 მოგროვდნენ და გააკეთონ ფრაქცია. როგორც ჩანს, ასე ძალიან სააშკარაოზე გამოტანა „ქართული ოცნების“ სატელიტ „პატრიოტებთან“ ალიანსის არ უნდათ, ამიტომ მოიგონეს ახალი ვარიანტი.

ახლა დადგნენ ფაქტის წინაშე, როგორც ჩანს, ერთი თანაშემწე არ ჰყოფნით, იმიტომ რომ პარლამენტის ყველა წევრს, რომელიც თანამდებობის პირი არ არის, ჰყავს თავისი თანაშემწე, როგორც ჩანს, 4 თანამშრომელი არ არის საკმარისი „პატრიოტთა“ წარმომადგენლებისთვის, თუ რა ჰქვიათ, „ევროპელი სოციალისტები“, ასევე არ ეყოფათ თითო-თითო თანაშემწე ელისაშვილს, იაგო კაჭკაჭიშვილს, ლევან იოსელიანს და მათ მსგავს ადამიანებს. ამიტომ უქმნიან სასათბურე პირობებს. ტელევიზორში ვნახე, რომ მივიდნენ, ძალიან სასაცილო კადრი იყო, ელისაშვილი და იოსელიანი მაგიდის ერთ მხარეს ისხდნენ და მეორე მხარეს თალაკვაძე და მდინარაძე იყვნენ, საერთაშორისო მოლაპარაკებების იმიტაციას რომ ტოვებდნენ. იქ მანქანას მისცემენ, ახლა რაღაცას მოიფიქრებენ, რომ უფრაქციოებს თავისი დამატებითი ლიმიტები ექნებათ, ტელეფონების და ა.შ. ასეთი მიწიერი სატყუარებით ადამიანები როცა ტყუვდებიან, იმათზე ვილაპარაკოთ, რომ მათ რაღაც იდეალები აქვთ და ოპოზიციური ერთობისთვის დანაკლისია, ნამდვილად არ იქნება სწორი“, - განაცხადა გოგორიშვილმა