იტალიის ნაწილში კორონავირუსის გამო დაწესებული შეზღუდვები ხვალიდან მსუბუქდება, - ამის შესახებ ინფორმაციას CNN-ი ქვეყნის ჯანდაცვის სამინისტროზე დაყრდნობით ავრცელებს.
ტელეკომპანიის ინფორმაციით, იტალიის ყველა რეგიონი, ხუთი რეგიონის გარდა, „ყვითელ“ ზონად გამოცხადდება, რაც იმას ნიშნავს, რომ დღის საათებში მუშაობას განაახლებენ ბარები და რესტორნები და შემსუბუქდება მგზავრობასთან დაკავშირებით დაწესებული შეზღუდვები.
„ნარინჯისფერ ზონაში“ ჯერჯერობით მხოლოდ ხუთი რეგიონი: აპულია, სარდინია, სიცილია, უმბრია და ბოლცანო რჩება.