ავღანეთის ნანგარჰარის პროვინციაში მდებარე ბაზაზე, სადაც ავღანეთის თავდაცვის ძალები არიან განთავსებული, თვითმკვლელი ტერორისტი ასაფეთქებლებით დატვირთული ავტომობილით შეიჭრა და თავი აიფეთქა, - ამის შესახებ ინფორმაციას „ალ-ჯაზირა“ ავრცელებს.

გამოცემის ცნობით, ნანგარჰარის პროვინციის გუბერნატორის ოფისის მიერ გავრცელებულ განცხადებაში აღნიშნულია, რომ თავდასხმის შედეგად უსაფრთხოების ძალების სულ მცირე 8 თანამშრომელი დაიღუპა.

ადგილობრივი საკრებულოს ხელმძღვანელის მოადგილემ, აიმალ ომარმა კი განაცხადა, რომ დაღუპულია 15 და დაშავებულია 5 ჯარისკაცი.

მომხდარზე პასუხისმგებლობა დაჯგუფება „თალიბანმა“ აიღო.