საქართველოს პარლამენტის განათლების, მეცნიერებისა და კულტურის კომიტეტმა შალვა ამირანაშვილის სახელობის ხელოვნების მუზეუმში საგანძურის თაობაზე გასვლითი სხდომა გამართა.

საქართველოს პარლამენტის განათლების, მეცნიერებისა და კულტურის კომიტეტის თავმჯდომარემ თეა წულუკიანმა და კომიტეტის წევრებმა შ. ამირანაშვილის სახელობის ხელოვნების მუზეუმში დაცული საგანძური (ოქროს ფონდი) მოინახულეს.

დახურული სხდომა, რომელსაც მუზეუმის თანამშრომლები, დარგის სპეციალისტები და "საგანძურის დაცვის საინიციატივო ჯგუფის" წევრები ესწრებოდნენ, საგანძურში არსებულ ვითარებას მიეძღვნა.

კომიტეტის მიერ გამოიცა ეროვნული მუზეუმის ხელმძღვანელობის მიერ სასწრაფოდ შესასრულებელი რეკომენდაციები საგანძურში დაცული ექსპონატების უსაფრთხოებისა და სათანადოდ დაცვის უზრუნველყოფის მიზნით.

აღნიშნულ ინფორმაციას საქართველოს პარლამენტი ავრცელებს.