უკრაინა თებერვალში COVAX პროგრამის ფარგლებში Pfizer / BioNTech-ის კორონავირუსის საწინააღმდეგო ვაქცინის 117 000 დოზას მიიღებს, - ამის შესახებ უკრაინის ჯანდაცვის მინისტრის მოადგილემ ვიქტორ ლიაშკომ განაცხადა.
მისივე თქმით, ვაქცინები დაუყოვნებლივ გადანაწილდება საავადმყოფოების იმ თანამშრომლებზე, რომლებიც COVID-19– ით დაავადებულ პაციენტებს ემსახურებიან. „პარალელურად, წლის პირველ ნახევარში, თებერვლიდან ჩვენ შევძლებთ მივიღოთ 2.2-დან 3.7 მილიონ დოზამდე „ასტრაზენეკას“ ვაქცინა ვაქცინაციის პროგრამის შემდეგი ეტაპისთვის“, - აღნიშნა ლიაშკომ.
მანამდე ჯანდაცვის მინისტრმა მაკსიმ სტეპანოვმა განაცხადა, რომ კორონავირუსის საწინააღმდეგო რუსული ვაქცინა "Sputnik V" ქვეყანაში არ დარეგისტრირდება.