ჟოზეფ ბორელი - ვწუხვარ, რუსეთში მასობრივი დაკავებებისა და არაპროპორციული ძალის გამოყენების გამო

რუსეთში ოპოზიციონერ ალექსეი ნავალნის მხარდამჭერ საპროტესტო აქციებს ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში ჟოზეფ ბორელი ეხმაურება და მწუხარებას გამოთქვამს მასობრივი დაკავებების გამო.

როგორც ის "ტვიტერზე" წერს, ადამიანებს უნდა შეეძლოთ თავისუფალი აზრის გამოხატვა შიშის გარეშე.

"ვწუხვარ, რუსეთში მასობრივი დაკავებებისა და არაპროპორციული ძალის გამოყენების გამო მომიტინგეებისა და ჟურნალისტების მიმართ. ადამიანებს უნდა შეეძლოთ თავისუფალი აზრის გამოხატვა და არ უნდა ეშინოდეთ რეპრესიების. რუსეთმა უნდა შეასრულოს თავისი საერთაშორისო ვალდებულებები" ,- აცხადებს ბორელი.

ცნობისთვის, რუსეთში საპროტესტო აქციებზე ათასობით ადამიანი დააკავეს. რუსი ოპოზიციონერი პოლიტიკოსის ალექსეი ნავალნის მხარდამჭერი საპროტესტო აქციები რუსეთის ათობით ქალაქში მიმდინარეობს. BBC-ის რუსული გამოცემის ცნობით, ყველაზე ფართომასშტაბიანი გამოსვლები ეკატერინბურგში და ნოვოსიბირსკში ჩატარდა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს