ავსტრალიის დასავლეთ ნაწილში მდებარე ქალაქ პერთში დღეიდან მკაცრი 5-დღიანი კარანტინი დაწესდა,- ამის შესახებ ინფორმაციას Reuters-ი ავრცელებს.
სააგენტოს ცნობით, ხელისუფლებამ აღნიშნული გადაწყვეტილება მას შემდეგ მიიღო, რაც სასტუმროში, სადაც საზღვარგარეთიდან დაბრუნებულ მოქალაქეები კარანტინს გადიან, დაცვის სამსახურის ერთ წევრს კორონავირუსი დაუდასტურდა.
კორონავირუსზე ტესტი დაინფიცირებული პირის ახლო კონტაქტებს უტარდება და მათგან, ვისაც გამოკვლევა უკვე ჩაუტარდა, ვირუსი არცერთს არ დადასტურებია.
ცნობისათვის, ავსტრალიაში, პანდემიის დაწყების დროიდან, კორონავირუსის 28 818 შემთხვევაა დადასტურებული, აქედან ვირუსს 909 ადამიანის სიცოცხლე ემსხვერპლა. ქვეყანაში კოვიდ 19-ის წინააღმდეგ მოსახლეობის ვაქცინაციის პროგრამა მიმდინარე თვეში დაიწყება. პრემიერ-მინისტრმა სკოტ მორისონმა განაცადა, რომ ავსტრალიას ვაქცინაციის პროგრამა მინიმუმ 6.3 მილიარდი ავსტრალიური დოლარი (დაახლოებით 4.8 მილიარდი აშშ დოლარი) დაუჯდება.